Auaunaga ma lona faatinoga

Faaunega Tupe Faamau i se Mokesi o le tuuina mai lea o se fanua umia saoloto e le/poo e o loo talosaga e faamau ai la latou nonogatupe mai i le Faalapotopotoga.
E faatupeina foi fanua fia faatau mai ma faaaogaina e faamau ai le mokesi i le Faalapotopotoga. O le saofaga i le faatauina ose fanua e 30% o le tau o le fanua ma e faatapulaa i le kuata (¼) eka mo le faamoemoe e nofoia ae le o le faaaogaina faapisinisi.
O le tapulaa o le aofai o le faaunega tupe e faamauina i se mokesi o se fanua e $120,000. O le aofaiga o le faaunega tupe e fuafua i le tau o le fanua ma le gafatia o le totogi mai e le o loo talosaga.
O tuutuga o le taimi e totogi ai le faaunega tupe e 10 tausaga e mafai ona tuu atu i le 15 tausaga i le talafeagai ai.

O Faaunegatupe laiti e avanoa mo e e le umia se fanua umia saoloto mo le faamauina o le nonoga tupe. Ae e mafai ona faamaonia e ni tagata se tolu (3) sea nogatupe i le faamalieina o tuutuuga, o nei tagata e faigaluega tumau i le Malo poo se Kamupani, poo se fai pisinisi ua iloga le lelei o ana tupe maua. Ma e amanaia tele le faaaoga mai o suli moni o se aiga, e faamaonia ia ituaiga o nonogatupe.
E $2,000 le maualalo ae $20,000 le tapulaa i luga.
O le autu lava o lenei auaunaga nogatupe, e fausia ai se fale fou, fale fia faaleleia ma se fale e fia faatele.
E 5 tausaga le taimi faatatau e totogi uma mai ai sea nogatupe.
O le tului e fesuia’i mai i lea taimi i lea taimi e faalagolago i le tului o loo i le maketi.

Matou te faatino auaunaga o fale mautotogi mo le mamalu o le atunuu i tau tala feagai.