O le Faalapotopotga o Mea Tau Fale a Samoa sa faamanuiaina i se faailoga faava o malo, a le “Faalapotopotoga o Faailoga Faapitoa Faava o Malo i Auaunaga Silisili” i lalo o le Vaega Tauoloa.
O lea faailoga faapitoa ua faalauiloaina ai le taua o auaunaga silisili, taitaiina ma le totoa, faaogaina o agavaa ma tomai faapitoa aua le agai i le lumanai o auaunaga faatinoina ma ose faaeaea foi lea i galuega ma auaunaga ua silisili lona faatinoina.
O le Pereseteine ia Jose E Prieto o lea faalapotopotoga sa tuuina aloaia atu lenei faailoga faapitoa i le Afioga Taitaifono o le Komiti Faatonu Tuilaepa Eti Faaolotoi ma le Pule Sili Matautia Rula Levi oi laua ia sa fai ma sui o le Faalapotopotga o Mea Tau Fale a Samoa e taliaina lenei faailoga i New York Marriott Marquins Convention Hall.
O lenei faailoga e atagia ai le maualuga o le laasaga ua ausia i galuega faatino a le Malo a Samoa, Minisita, Pule Sili, aufaigaluega ma paaga ale Faalapotopotoga.
